Bestablogg

Har vore borte ei stund:-)

2009-05-28T21:48:00.001+02:00

Det er ikkje det at eg ikkje har hatt lyst til å lage nye innlegg, men eg har vore vekkreist i ei veke. Saman med gode venninner reiste eg til Tyrkia 18 mai. Eg sa heile tida at eg skulle på knisetur, men trur eg tok feil. Det vart slettes ikkje knising, men latter. Masse latter. Du og du så mykje moro ein kan få ut av nesten ingenting. Oversettinga frå norsk til engelsk, var nok det som skapte mest latter. Nokre gongar vart det berre heilt feil og det gjorde damene lattermilde ja:-)

Ellers var vi på "hamam", det vil seie tyrkisk bad. Dette gjorde vireleg godt for kropp og sjel. Rett og slett deilig å verte stelt med. Eg besøkte også frisøren og fekk full pleie. Klipp, farging og fjerning av uønska hår. Det beste av alt, det kosta nesten ingenting:-)

Masse sol, varme, bading, god mat og vin. Kan ein ha det betre?

Tusen takk Anne Lise for at du inviterte oss med!

I dag har eg i tillegg fått min første award:

Eg fekk den av Strikkebesta i bloggverda. Rett og slett fordi eg delar litt av kvardagen saman med barnebarna mine med henne. Tusen takk:-)

Til helga vert det barnedåp. Vesle Victoria skal døypast. Ho er ei herleg lita jente no. Det er så inderleg godt å sjå det nydelege smilet ho gir i frå seg. Dåpskjolen har mi mor hekla, og Frank Robert var den første som var døypt i den. Eg skal ta bileter og legge ut ved eit seinare høve.

Er dette pedagogisk då?

2009-05-10T15:53:00.001+02:00

Oppussinga av gangen er i gong ja, men det går veldig seint. tida har mest vore brukt til å rive ned, ikkje til å byggje opp.

Har hatt besøk av Sebastian, og då måtte vi finne på noko kjekt. Kanskje han kunne måle i gangen?

Tja, så mykje måling vart det nok ikkje, men han fekk då ta fram skrivekunnskapane sine.

Det vart skrive oppover og nedover på veggane.

Fargerikt vart det nok....

-og kjekt var det nok å halde på med dette....

-spennande å få lov til å halde på ein stad der ein vanlegvis ikkje gjer...

-men om det er så veldig pedagogisk, er eg ikkje så sikker på?

Får berre håpe eg ikkje har lært guten unotar.

Fiskelykke:-)

2009-05-09T22:56:00.001+02:00

Det er kjekt å vere på kaia å fiske, spesielt når ein får fisk. Sebastian er bitt av basillen:-)

Liten gut med stor stang. Konsentrert om jobben:-)

Sjølvsagt har han på redningsvest...

-og sjølvsagt fekk han fisk.

Litt vanskelig å få fisken av sluken, men det gjekk fint til slutt.

Ei kosestund saman med Victoria:-)

2009-05-03T12:54:00.001+02:00

Det går ikkje lange stunda før besta klør i heile kroppen etter litt babykos. I går var det ein slik dag då eg kjende meg utolmodig og berre ville kose. Men så var det slik då at familia var på tur, og eg kunne ikkje akkurat reise etter. Så eg sende ei melding på telefonen om at eg gjerne ville vite når dei var heime att.

5 minutt etter at dei var heimkomne, var vi på plass, både besta og besten. Hmm...lurer på om det kan vere plagsomt?

I alle fall, Victoria svikta ikkje, ho gav oss ei strålande stund med store gode smil:

Det er litt vanskeleg å fange dette smilet med kamera, men eg har ikkje tenkt å gi meg.

Besta fekk kose....

-og besten også:-)

Sebastian var også der. Han ville vise triks på trampolina. Salto er det store for tida. Han hadde vore på Vartdalstrancup i friidrett før i veka og snakka mykje om at han hadde tatt salto i lengdegropa. Har han misforstått noko skal tru?

I dag ville han også vise oss kor flink jan har vorte på rulle brett.

Berre han no ikkje begynner å ta salto på rullebrettet også, det veit eg ikkje om besta tåler.

I dag skreiv han forresten si eiga handleliste. For ei lærarbesta er det kjekt å sjå korleis han lyderer.

Ikkje alt er like lett å tyde, men når ein har litt trening så klarar ein det.

ben10klokke

honnikorn

og ikkje minst smågodt...legg merke til korleis han har skrive det det ordet, det gjeld berre å halde seg alvorleg når ein les....ikkje sant?

Det kjekkaste av alt, er at han gjer det heilt sjølv, kun ved å lydere:-)

Smil frå ei stolt besta:-)

Jakt og fiske:-)

2009-05-02T10:47:00.001+02:00

1. mai, ein dag med strålande solskin som gav varme til både kropp og sjel.

Vi fekk besøk av Victoria og Sebastian. Det er alltid like kjekt.

Det som stod på programmet denne dagen var jakt og fiske. Sebastian kom springane inn på kjøkkenet til oss med ei stor bøtte i handa. Vi lurte sjølvsagt på kva han hadde føre no:-)

Oppe i bøtta kravla og kraup det av små innsekt. Biller, edderkopper, makkar, skrukketroll og sneglar med hus. Han hadde vore på jakt. Sjølvsagt måtte vi ut og jakte meir. Det er spennande å leite mellom steinar, under heller og i busk og kratt.

Så kom besten på at dei måtte fiske også. Fram med fiskestengrene, på med redningsvesten og rett på kaia for å fiske. Vi jentene vart att heime, men vi kunne sjå korleis dei kosa seg nede på kaia. Kven som koste seg mest, er ikkje godt å seie:-)

Fangst vart det også. Telefonen kima og Sebastian kunne fortelle at dei hadde fått ein sei som var mellom 30 og 40 cm. To gongar til kima det, så det vart tre seier.

"Sei er det beste eg veit" sa guten. Om det haldt seg oppe til kvelden, er eg ikkje så sikker på, men med to kattar i hus, så vart det nok eit herremåltid...til ein kvan.

Sjølvsat må fiskaren gjere opp fisken. Ein ivrig og arbeidsam gut tok fatt på jobben. Først av med hovudet.

Så måtte besten hjelpe til med å sprette den opp, før Sebastian kunne fjerne innmaten. Ikkje mykje kresen nei:-)

Ikkje så farleg om ein får litt fiskeblod på hendene.

Til slutt kan ei lita hand fjerne sporen:-)

Desverre var batteriet til fotoapparatet utlada, så eg fekk ikkje tatt bilder av det nydelege smilet til Victoria. Då eg hadde fått nok straum sov ho så godt, men dette skal vi nok få tatt igjen.

Stova er ferdig, og har starta på gangen:-)

2009-04-26T20:56:00.001+02:00

Fredag var det innflytting i stova att. Det tok litt tid denne oppussinga, men du så deilig det er å vere ferdig.

Det ferdige resultatet ser slik ut:-)

Ja, eg vart fornøgd.

Det som skjer når ein pussar opp, skjedde denne gongen også. Måtte sjølvsagt kjøpe nye gardiner. Har ikkje fått dei enda, men dei kjem nok etterkvart. I tillegg føler eg at ikkje alt passar inn på veggane, så eg er litt på vent med å plassere bilder. Vil liksom ha ein slags heilskap i det:-)

Denne helga har gått med til å rive ut av gangen. Alle lister og gulvet er fjerna...-og brent:-)

Hadde sjølvsagt med ein god hjelpar under bålbrenninga.

I dag har forresten det store skjedd. Hans-Petter starta motorsaga inne. Han har fjerna ein del av veggen der kjøkkendøra var, og det gjorde han med motorsag!!!!!

Det vart sjølvsagt støv og eksos over heile kjøkkenet. Ja, eg er nokså tålmodig av meg, og gredde faktisk å le av heile greia:-)

Smil frå ei støvete besta:-)

Må skunde meg å tilføye ein kommentar til det innlegget eg hadde før dette. Det er Victoria som har vorte god og rund, ikkje mora.

Besta fekk passe for første gong:-)

2009-04-23T21:05:00.001+02:00

I dag har eg hatt besøk av vesle Victoria. Vi hadde ei skikkeleg kosestund samen medan mamma var til kontroll etter fødselen.Ho har vorte god og rund no.

Våken og blid heile tida. Det er så kjekt å verte kjend med dette vesle nurket.

Etter stellet på badet var det ei fornøgd lita prinsesse som kosa seg saman med besta.

Vi skal nok få mange fina stunder i åra framover.

Er ho ikkje nydeleg vel?

Smil frå besta

Å sette farge på tilværet...

2009-04-21T15:55:00.001+02:00

-kan vere så mongt:-)

No om dagen er eg vel mest oppteken av fargen på veggane i stova. Korleis vil dette verte til slutt skal tru? Vil møblane passe inn? Kan eg henge opp att det eg har hatt på veggane? Kan eg bruke gardinene, eller må eg til med nye? Det er ikkje så lett å sjå det føre seg korleis det vert før det er ferdig og eg skal setje alt inn att på stova.

Noko anna som verkeleg set farge på kvardagane er barnebarna. Har vel ikkje delt så mykje tid med dei som eg gjerne skulle denne perioda, men i går kom den eldste fargeklatten på besøk. Besten henta han og jammen var han ikkje kledd i malardress og klar for å ta i eitt tak.

Starta nede med målarkosten.

Stolt over at det var noko han kunne som lisjesysta ikkje kunne.

Arbeidde seg videre oppover i gardintrappa.

Og pynta til slutt det heile med rullen. Stolt og fornøgd med resultatet. Er det rart at han set farge på tilværet?

Vesle Victoria kom innom då storebroern var ferdig med malinga. Nok ein fargeklatt på besøk hos besta og besten. Ho veks og trivast og søv faktisk heile natta:-)

Sjølv har eg stått på litt dei siste dagane. Det er så spennande når veggane begynner å ta farge. Held no på med det siste strøket på veggane, så når dagen er omme håper eg på at eg har att berre siste strøket på listene.

Slik såg det ut i dag tidleg før eg begynte på siste strøket.

Det går ikkje så fort akkurat:-)

2009-04-19T22:53:00.001+02:00

Oppussinga går sin gang den, men du så seint det går når alt skal sparklast og grunnast. Denne helga har eg i tillegg vore vekkreist, så lite har vorte gjort dei siste to dagene. Kan vel likvel sjå litt forandring sidan onsdag.

Alt har vorte heilt kvitt, Nesten slik at eg får problem med å sjå på veggene. Laurdag morgon vart siste strøket tatt på taket og på taklistene, så det er det einaste som er heilt ferdig så langt.

I dag har eg måla eit par veggar med den rette fargen, men har ikkje fått tatt bilete av det enda. Ein ting er sikkert og det er at det vert mykje lysare og lettare. Har også oppfatta at eg vil kjøpe ny måling til dør- og vindaugslistene. Den eg har kjøpt er rett og slett for matt.

Fargen som kjem på veggane heiter Bjørdalslys. Det kan sjå ut som eg har vore heldig med fargevalet.

Oppussingsbesta....onsdag:-)

2009-04-15T23:46:00.001+02:00

Har starta med prosjekt oppussing. Har lenge gått rundt og sett på den forferdelege raudfargen på stova. den som var så fin for nokre år sidan. No er det nok, greier det ikkje lenger.

I går fekk eg vaska ned med grovvask og gjort alt klart til videre arbeid.

Slik såg det ut då eg stod opp i dag:

I dag har eg fått på kvistlakk på panelen og kome godt i gong med grunninga, så no ser det slik ut:

Litt framgong har det vore, og du så deilig det skal verte å sjå den rette fargen:-)

På sirkus!

2009-04-10T15:49:00.001+02:00

Onsdag var vi på sirkus saman med Sebastian. Vi reiste tidleg til Ørsta slik at vi kunne sikre oss gode billettar. Sebastian hadde sagt at vi skulle kjøpe tre sukkerspinn. Takk og lov så lot vi det vere med eitt. Utanfor sirkuset møtte vi ein barnehagekompis, Nicolai. Kompisane fann fort tonen, tok kvarandre i hendene og "passa" på kvarandre:-)

Inne på sirkuset var det nesten fullt, men vi fann plassane våre og sette oss spente ned å vente på forestillinga.

Vi fekk sjå luftakrobatikk, klovnar, trampolinekunstnar, slangemenneske, hundar, kamelar og ikkje minst elefantar.

Spenninga var til tider til å ta og føle på. Spesielt når dei var høgt under taket og det var bakoversalto på trampolina. At ein då får sukkerspinn i heile ansiktet får heller stå si prøve:-)

Her er det snakk om å kose seg ja:-)

Søkk gjennomblaute, men kva gjer vel det?

2009-04-07T19:38:00.001+02:00

Søndag hadde vi ei avtale med Sebastian om at vi skulle ta ein tur på sætra. Sidan han var eit og eit halvt år gamal, har vi tatt turar dit. Favorittstaden er Grytaelva. Vi har sagt at Grusomme Gabriel bur under ein stein der, men i år har Sebastian funne ut at det er berre tull. Han kan ikkje bu der:-)

Likevel er det mykje ein kan styre med på ein slik tur. Mange steinar kan flyttast og vi kan lage nye far for elva. I tilleg kan det vere kjekt å flytte litt på vatnet, frå ein stad til ein annan. Til det treng ein noko å ha vatnet i. Ein kaffekopp kan duge.

Poserer gjerne med eit smil når besta vil ta bilder.

Etter hardt arbeid er det godt å lage seg eit bål og spidde pølser. Om ein har med litt ved heimanifrå, er det lett å få fyr på bålet sjølv om det regnar trollkjerringar.

Bålet varmar og pølsene mettar.

Det er godt med ein pust i bakken, kjekt å høyre på når besta og besten fortel om kva dei forskjellige fjella rundt omkring heiter.

Ja, vi var søkk gjennomblaute alle mann, men likevel er vi så glade for å få lov til å kose oss på desse små turane våre.

Vi gjorde avtale med mammaen og pappaen om at Sebastian burde vere heime før seks om kvelden, men då tida var komen for å ringe og seie at han kunne hentast, så kom det frå guten "Vil ikkje dokke ha meg lenger no?" Snakk om å smelte eit bestahjarte. Klart vi vil ha deg Sebastian, så ofte vi får lov og så ofte du vil:-)

Litt av eit fugleliv

2009-04-06T17:57:00.001+02:00

Sebastian har fått ei forsiktig tilnærming til Hugo no. Han var nok litt skeptisk til å begynne med, men med litt list og lempe, så har han fått fuglen til å sitte på handa si.

Stolt gut som fekk det til:-)

Kanskje vert det ein annan dans for hugo etterkvart som han vert tammare. Klikk på lenka om de vil sjå:

Fugledansen?

Eller kanskje slik:

Litt mykje leven kanskje?

Ha ei retteleg god og aktiv påske:-)

Litt påskestemning frå helga:-)

2009-04-06T11:48:00.001+02:00

Starten på påska var heilt fantastisk. Fredagen tok eg med meg strikket og ei kald ei på altanen, letta litt på antrekket og sat ute i over to timar. Fekk besøk av ei venninne også:-) Temperaturen var faktisk oppe i 16 grader.Kjenner at sesongen er i gong. Dette er den finaste årstida ein kan ha, utan tvil.

Laurdag kom undersåttande innom. Dei var på trilletur med Sebastian og Victoria. Fortsatt var veret herleg og Victoria fekk sitt første utemåltid.

Godt innepakka i masse kle og teppet som eg strikka og tova då Sebastian var like liten som ho er no.

Sebastian er nok meir av det aktive slaget. Han er høgt og lavt til ei kvar tid. Denne dagen var det syrintreet som skulle utforskast.

Høgt heng han, men sur er han i alle fall ikkje:-)

God påske til alle mine bloggvenner:-)

På Bondalseidet...nydeleg dag

2009-04-03T12:59:00.001+02:00

Sist veke var heile ungdomsskulen på tur til Bondalseidet på skidag. Det var ein nydeleg dag med sol i frå skyfri himmel. Slike dagar er berre herlege. Kjekt å vere saman med elevane på ein slik måte også.

Frank Robert hadde tidleg sagt at den dagen vi skulle på fjelltur, så måtte eg seie i frå. Då visste han at skisenteret ville vere ope og så fekk han vise fram kor flink gromguten har vorte på slalomski.

Sebastian tok turen opp i heisa mange gongar saman med pappaen sin. Heilt i nottane var dei, og tok til og med skogsløypa ned igjen. Så flink ein gut:-)

Det var skikkeleg kjekt for meg at dei tok turen og at eg fekk vise han fram til både kolleger og elevar. Trur liksom at alle har interesse av det. Er det ikkje typisk besteforeldre?

Liten og rosa....godt i gong:-)

2009-04-01T11:47:00.001+02:00

Sist veke kjøpte eg meg eit heilt nytt strikk. Visste at det vart ventetid på sjukehuset og trengte noko nytt og spennande. Sjølvsagt måtte det verte nok lite og rosa. Har aldri strikka holmønster før, men tenkte at det ikkje kunne vere så vanskelig. Eg kunne å strikke to saman og eg kunne å lage kast.

Så sette eg i gong med friskt mot, og det gjekk lett som berre det. Skikkeleg kjekt med litt utfordringar og med eit mønster som skiftar mykje. Spennande å sjå korleis det vert når eg har strikka nokre omgongar.

Skjørtet på kjolen er nesten ferdig no. Har brukt mandaringarn. Det er nesten litt vanskelig å legge det i frå seg.

Smil frå Wivi

Sølve sin dag

2009-03-30T12:14:00.001+02:00

Heile familia mi samla på eit brett:-) Sølve feira 8-årsdagen sin. HIPP, HIPP HURRA!!!

8 lys på kaka, og sjølvsagt er det fadderen, tante Lena, som skal halde kaka når lysa skal blåsast ut. Ein skikkeleg tøffing med hendene godt planta i lommene:

Lego er det store for tida. Når alderen er nokså lik, så kan alle vere med å leike. Litt misunning var det nok, men det gjekk over etterkvart.

Amalie, tantejenta mi og vesle Victoria. For ei herleg kontakt det var mellom dei to og så flink som ho var til å halde:-)

Enda ei tantejente, Miriam. Henne er eg fadder til. Ho er 12 år. Ei skikkelig kjekk jente, som skal vere med oss på tur i sommar. Ikkje noko å seie på kontakta mellom henne og Victoria heller. Ho måtte reise litt før vi andre sidan ho skulle på TALENTSAMLING i fotball. Eg har sett henne på fotballbana og ho er skikkeleg flink. Trur ikkje ho har det etter mora:-)

Her har vi 18-åringen i familia, henne er eg også tante til. Lena meinte at det rasla nokså mykje i eggstokkane hennar. Stakkars Marius, kjærasten, måtte berre finne seg i å verte småmobba:-) Ho held på å utdanna seg til frisør og skal forhåpentlegvis ut som lærling til sommaren.

Elsie, svigerinna mi og Sebastian. Ho skal verte bestemor til hausten. Eg veit omtrent korleis det kjennast:-)

Lena, mor til Amalie og systra mi. Her har ho ei skikkeleg kosestund saman med Victoria.

Victoria hadde med seg bærebag, men den fekk vi ikkje bruk for. Ho gjekk frå hand til hand. Alle var like ivrige på å få halde:-)

Pappa i full konsentrasjon om bloggen min. Han har ikkje eiga datamaskin, men det kan nesten sjå ut som om han er "moden" nok for det no:-) Litt fleiping vart det også, om den dagen han får seg profil på facebook.

Ei samansveisa familie. Alltid like kjekt når vi får høve til å treffe kvarandre.

Klem frå Wivi

Besøk på morgonkvisten

2009-03-27T09:54:00.001+01:00

Vakna av at telefonen ringte i dag. Det var Frank Robert som lurte på kvar eg var. Han og Sebastian hadde sykla til barnehagen og no ville han gjerne innom ein snartur. Eg var ikkje sein til å slenge føtene ut av senga og kome meg ned i kjøkkenet. Eg sette på kaffekjelen, (eg kokar fortsatt kaffeen på kokeplate ja) og tok meg ein varm og nykokt kopp med kaffe.

Det gjekk ikkje lange stunda før dei dukka opp utanfor døra. Alltid kjekt at nokon stikk innom ein tur. Victoria låg i vogna og sov så uskuldig, mens mammaen fekk lov til å ligge litt frampå i dag.

Sjølv skal eg vere heime i ein månad. Tok ein liten operasjon i går og må passe meg for å løfte tungt. Eg spurde sjølvsagt om veslejenta var for tung til å løfte, og det var ho ikkje:-)

Før eg reiste til sjukehuset, fekk eg ordna meg med eit lite strikk. Ja, det er lite og rosa sjølvsagt. Er komen godt i gong med det, det er alltid spennande å begynne på noko nytt. Ventetida på sjukehuset vart kort når eg hadde strikket mellom hendene.

Sebastian og Victoria

2009-03-22T22:17:00.001+01:00

Denne helga har vi fått masse tid med barnebarna. Laurdag fekk vi låne Sebastian og då tok vi ein tur hit:

Herøy fritisdbad. Vi har vore her fleire gongar og det er alltid like kjekt.

Vannsklia er populær. Besta og besten må alltid ein tur. Om ikkje vert ikkje dagen i badeland PERFEKT:-)

Vi fekk også tid til å besøke oldefar. Som bur i Fosnavåg:

Sølve som har bursdag i veka. Han fekk seg gåve. Indiana Jones lego, som vart bygd med ein gong av mange gode hjelparar:

Ei av hjelparane var Miriam, som også er ein racer på fotballbana:

Søndag fekk vi besøk av både Sebastian og Victoria. Ho er ikkje meir enn 16 dagar gammal, men vi kan sjå at ho veks og trivast. Søv heile natta gjer ho også.

Nydelig navn til ei lita prinsesse.

Sebastian leika med lego, noko som han har vorte rett så flink til.

-og sjølvsagt måtte vi leite opp nokre spel slik at storebroren kunne kose seg. Mikado er litt vanskelig, men trening gjer meister:-)

Ei herleg helg med masse rekreasjon.

Kan ein egentleg ha det betre?

2009-03-14T21:32:00.001+01:00

Ei travel arbeidsveke er unnagjort. Det har vore lite tid til å lage innlegg på bloggen, men eg kjenner at det klør i fingrane etter å få dele denne veka med alle dokke som ser innom her.

Søndag var vi og besøkte prinsessa på sjukehuset. Alt var vel med både mammaen og veslejenta.

Her får eg halde henne i hendene for første gong. Eg kunne kjenne at det var god kontakt. Så utruleg deilig at ho var våken og eg kunne sjå det herlege blikket hennar.

Besten fekk også halde. Heilt spesielt å kjenne kor lita og tander ho er. Då er det godt å ha ei sterk og varm hand rundt seg.

Mamma sine hender er nok dei ho likar aller best å vere i. Dei er så trygge og varme.

Så liten, så god og varm, så nydelig og så utruleg avhengig av å ha andre rundt seg.

Heimkomen og trygt plassert i vogga som "onkel Roger" laga til Sebastian då han vart fødd.

Klart at Amalie må få halde. Amalie er tantejenta mi, som kom til Hareid då ho var 1 år og 8 månader. Eg er så heldig at eg får vere fadder på henne. Glad i deg jenta mi.

Vi skal nok få mange fine stunder i lag vi to veslejenta. Eg skal nyte kvar ei stund eg får ha saman med deg. Eg skal ta vare på dei vakre stundene.

Rockeren Sebastian. Den stolte storebroren som vi er så glade i. Ikkje heilt tilfeldig at han ville ha meg med til datamaskina. Han ville vise meg noko. Eg må seie eg var spent då:-) Han logga seg inn på you tube og begynte å skrive noko på søkelinja. Eg spurde kva det var han skulle skrive, men eg vart avfeia. Dette skulle han ordne opp i sjølv.

Til slutt hadde 5-åringen skrive "rakaraker" Som lærar så skjønte eg med ein gong at det var raga rockers han ville skrive. Ei stolt besta konstanterte at han var fint i gong med lydering:-)

Kassegitar er også stilig å spele på. Han skal spele i band når han vert stor, seier han. Besten skal visst vere med i bandet:-)

Stor gut som greier seg sjølv i dusjen.Kveldsstellet går som ein leik.

Ei lita kosestund framfor akvariet saman med Julio.

-og sjølvsagt må det teiknast og skrivast litt til besta og besten før han finn puta si:-)

Er det noko rart vi er stolte når vi har så flotte barnebarn?

Det vart ei prinsesse!

2009-03-06T22:52:00.001+01:00

For ein stor dag. Det fins nesten ikkje ord. Ei fantastisk lita prinsesse vart fødd på Volda sjukehus klokka 9.13 i dag. Ho vog 2970 gram og var 48 cm. Vi er to rørte besteforeldre som har tatt til tårene fleire gongar i dag. Noko meir fantastisk kan vel ikkje skje.

Tenk å få lov til å vere besta og besten til denne lisje prinsessa. Ho er ei keiserinne. Tidspunktet var bestemt på førehand, men det gjer ikkje gleda mindre for det.

Ei stolt og rørt mamma, som har gått med henne i magen i ni månader. Godt å få lov til å helse på, halde rundt, kose og klappe på. Endelig er ho komen til verda. Endelig kan vi få lov til å sjå og verte kjent med henne. Du er ei fantastisk mamma cathrine. Vi er så glade i deg, og ikkje minst stolte av deg.

Pappaen er ikkje mindre stolt. Tenk Frank Robert at no er du pappa til to. Ein prins og ei prinsesse. Omsorgsfull, leikande, snill, arbeidssam og ikkje minst ein god pappa. Gla i deg guten vår og tusen takk for at de har skjenka oss to herlege barnebarn.

Og så storebroren då Sebastian. Sjå berre kor godt dei to passar samen. "Det er mi si" sa du. Ja, Sebastian det er di si lisjesyste dette. Di og ingen andre si. Vi veit at du kan vere omsorgsfull du også. Veit at du er opptatt av at andre har det godt. Vi veit at du vil vere der og gi henne kos når det trengs. At du vil trøyste når ho har det vondt. "Ej he litt tåre ej" sa du. Det var fordi du var glad fordi du hadde fått den mest fantastiske systa i verda. Og at du er "faktisk gla i babyen" slik som du sa.

Det er eit under som har skjedd i dag. Sjå kor vakker ho er. Ei bittelita nase i eit anlet som søv fredfullt utan bekymringar. Bitte små fingrar med endå mindre negler. Eit blikk, som er så djupt. Det er som om ho undrar seg på kva verd ho er komen i.

Håper livet vil vere snilt med deg vesle barnebarnet vårt.

Tusen takk Cathrine og Frank Robert for at de har gitt oss to fantastiske barnebarn. Tusen takk for at vi får ta del i kvardagen deira.

Ein herleg dag:-)

2009-03-01T19:40:00.001+01:00

Åh, for ein herleg dag. Vi fekk låne Sebastian og ta han med på tur. Veret var nok ikkje av det beste slaget, men gode kle har vi nok av.

Vi tok turen til Rjåneset. Der var det litt mindre regn enn på Vartdal. Hadde tatt med pølser og deig til pinnebrød. Men så var det å få fyr på bålet i stiv kuling, ikkje den lettaste sak i verda akkurat. Med list og lempe så gjekk det bra likevel. Måtte nok avbarke litt tre rundt omkring, men prøvde å vere snille med trea slik at dei ikkje tok skade.

Så var det tid for å lage spiddepinnar.

Fram med kniven og tunga beint i munnen.

Ikkje noko problem det for ein stor kar på 5 år.

Så var det å leite opp deiga til pinnebrødet. Besten har ikkje sett slikt før han, men så har han heller ikkje gått i barnehagen slik som oss andre to.

Spiddinga hadde vi full kontroll på. Kan godt ha på vottar sjølv om ein held ein pinne over bålet.

Mmm, det smakar nydelig. Godt med mat ute i blæsten. Alt smakar godt då:-)

Deretter var det tid for andre aktivitetar. Vi måtte sjølvsagt erte båra. Mamma hadde sagt at om vi bada, så ville vi få husarrest, men vi bada ikkje altså, vi berre erta båra litt vi:-)

Bittelitt blaut på føtene, men kva gjer vel det når ein held seg i aktivitet.

Herleg latter når besta måtte røme unna for å ikkje verte blaut.

Området rundt måtte også undersøkast. Gøyme og leite var ein kjekk aktivitet. Men det hald på å gå gale for Sebastian vart redd for at han hadde mista besta. Slik er det når ein kanskje er enda meir leiken enn 5-åringen:-)

Så var det aktivitet på steinane rundt omkring. Måtte hoppe. Det hadde vore skihopp på TV, og Sebastian kunne ikkje vere noko verre enn desse han hadde sett før på dagen. Det var berre å ta seg rennfart:

-og hoppe seg avgarde. Det er alltid nokon som passar på at det ikkje går gale.

Kvifor må det vere sommar og sol når ein kan ha ein slik herleg dag i kuling og blæst?

Ikkje lett å avslutte ein slik dag:-)

Eg har vore bloggar ein månad no

2009-02-28T13:57:00.001+01:00

Ein månad har gått i bloggverda. Den første tida sleit eg fælt med utforminga. Brukte nok fleire timar på å finne ut av korleis eg skulle finne ein fin bakgrunn, korleis eg skulle endre på skrifta og korleis eg kunne redigere bilder. Fortsatt er det nok ein del som står att å lære. Eg kunne tenke meg å ha litt finere overskrift til dømes, men det kjem vel etterkvart vil eg tru.

Eg har i alle fall laga 15 innlegg, fått 6 følgere, fått fine kommentarar og nesten 1000 besøkande. Alt dette er nok litt uventa, for dette var fullstendig nytt for meg då eg byrja å blogge. Om alt er like interessant å følge for andre, er eg nok meir usikker på, men eg får tatt vare på gode minner, bilder og teikningar. I tillegg har eg vorte meir bevisst å ta bilder. berre det gjer at eg vil fortsette videre. Så får eg sjå då, korleis bloggen utviklar seg etterkvart.

Neste steg vert vel å få ein litt meir utfyllande profil. "Mest besta på bloggen" seier liksom ikkje så mykje om meg som person. Kanskje eg også vil legge ut fleire bilder etterkvart.

I dag er eg stolt:-)

2009-02-27T13:12:00.001+01:00

Etter å ha lese i Møre-Nytt og i bloggen til Tove om vesle Olai som fekk snudd livet på hovudet begynte eg å tenke over korleis eg kunne vere med å bidra til at han og familia hans kunne få det betre. Sjølvsagt kunne eg som privatperson betale inn ein sum på kontoen, men eg fann ut at eg ville prøve å gjere noko meir ut av det. Så eg tok kontakt med Ørsta/ Ørstenvik Lionsklubb, der eg er medlem. Einstemmig gjekk vi inn for at vesle Olai skulle få 10 000 kroner. Kanskje kan det gjere kvardagen for han og foreldra litt enklare. Ja, eg er stolt av å vere medlem av ein klubb som kan innvilge såpass til ein herlig liten tass.

Min kjære undulat

2009-02-26T22:42:00.001+01:00

Har forstått det no. At Hugo skal leve og bu her hos oss, sjølv om eg har høyrt at det er nokre fuglar der ute som ikkje er heilt einige i det. Sterke krefter jobber med at han skal kome i den heimen han var tiltenkt, men besta har nok forstått teikninga og resignert.

Han oppfører seg som den herremannen han er, gjer ikkje ei fluge fortred, trur eg i alle fall. Ikkje rotar han mykje og ikkje syng han meir enn at han er til selskap.

Det merkelege er at i dag , då eg hadde besøk av sebastian, så kvitra han meir enn han brukar å gjere. Kanskje han har forstått at om han bråker mykje under besøk, så vil ikkje Sebasian ha han? For det var nettopp det som skjedde. Guten meinte at det var eit fole til bråk på Hugo og det måtte vel finast ei løysing for å få han still....

Så sit eg her då....med ein fugl som kan verte 8-10 år gamal. Dokke der ute som jobbar med saka, eg veit at dokke er der. Har dokke også resignert?

Nye teikningar, nye opplevingar:-)

2009-02-22T19:34:00.001+01:00

Har hatt besøk igjen vi, og sjølvsagt måtte det teiknast litt til. Det går visst i båtar for tida:-)

Mange detaljar og mange fargar. Klart det er kjekt å ta vare på.

Ein liten flygetur med besten vart det også. Sjølv om han har vorte 5 år, så har han ikkje vorte for stor til skiflyging. "Reimane" vart godt festa før turen starta. Han har nok fått med seg kva dei virkelige skihopparane gjer.

Snakk om å kose seg:-)

Eg las for to-tre år sidan om ei dame som laga smykker av barneteikningar. Kan ein få noko flottare rundt halsen.

Tenk om denne kunne vore laga om til eit smykke og henge i eit sølvkjede rund halsen til besta:-)

TUSEN TAKK SEBASTIAN

Sebastian på lån:-)

2009-02-18T20:07:00.001+01:00

Jippi!!!! I dag har vi fått låne Sebastian ei stund. Det vart ei skikkelig kosestund. Gode minner å ta vare på.

Vi teikna og spelte sjakk. Det er forresten merkelig kor fort han tek reglane. Sist vi spelte, var det berre fjusk og fanteri, men i dag hadde han full kontroll på korleis han skulle flytte og korleis han kunne slå ut andre. Kvar er det han har det i frå tru?

Så måtte besta sitt gamle koppeservise takast fram. Tenk at det er rundt 40 år gammalt. Egentleg er ho litt redd for at det skal verte skada på nokon måte, men det er så rart med det, ein gjer gjerne meir for barnebarna enn ein egentlig har tenkt:-)

Flink til å servere og flink til å dele.

Og sjølvsagt den beste og varmaste klemmen ein kan tanke seg.

Til mammaen og pappaen: Vi vil gjerne låne fleire gongar, det er like kjekt kvar gong, og gjer kvardagene rike:-)

Måndag og ny veke:-)

2009-02-16T15:47:00.001+01:00

Den siste veka før vinterferien er godt i gong allereie. Tenk at det allereie snart er helg. Det kjennast ut som om det er berre måndagar og fredagar i veka.

Hugo bur fortsatt her. Er eg då adoptivmor skal tru? Eller er det eg som er den rette mora? I alle fall kvitrar det både inne og ute om dagen.

Lill har kome med ei lita utfordring i bloggen sin og den tek eg på strak arm. Kanskje kan eg vinne konkurransa hennar om du trykker på linken:-)

Ellers ser eg veldig fram til helga, då vert det ålesundtur og show med Anne-Cath. Deilig middag på XL og sjølvsagt vert det også overnatting. Fin julepresang. Tusen takk.

Papegøye, vere eller ikkje vere?

2009-02-14T17:21:00.001+01:00

Tenkte eg skulle overraske Sebastian skikkelig denne gongen. Han hadde då spurt så fint om eg ikkje kunne kjøpe ei papegøye, og han er ikkje så lett å stå imot. "Typisk besta", vil vel nokre seie Gjekk innom amfi og kjøpte ein undulat med bur. .

Det eg ikkje tenkte på, var at eg kanskje overraska litt for mykje. Det var nok ikkje alle som ønskte seg ein fugl i hus:-) Sebastian vart vel overraska nok, og kjempeglad. Fuglen har fått navnet Hugo og han sit der stille og roleg i buret sitt.

Det er berre det at buret er plassert i feil hus:-) Slik går det når ein handlar før ein tenker, eller skal eg heller seie tenker før eg handlar? I alle fall har det no kome ein ny familiemedlem i huset her. Det var vel uventa?

Lærer, gi meg di hånd

2009-02-11T22:26:00.001+01:00

Gi meg din hånd, lærer.

Jeg er ikke som jeg skulle.

Er ikke som du vil.

Forstyrrer i timene, skravler,

kommer med kommentarer

til ting du sier.

Er vel litt frekk enkelte ganger.

Du får klager på meg

Bråk i gangene ved inn- og utmars.

De sier jeg sloss i timene.

Doven? Ja, jeg virker vel slik.

Mye slurv i hjemmearbeidet.

Regneboka er ikke pen,

fettete og stygg

med mange feil.

Jo, jeg leser nok litt lekser,

Men ikke mye.

Det hjelper så lite.

Jeg får ikke noe inn i hodet.

Du sier jeg må konsentrere meg.

Ikke så lett det, lærer,

når en ikke er glad,

og når tankene flyr

som fuglene over hav

uten kvist å sette fot på.

Stort å vere glad, lærer.

Da ville jeg ikke vert slik

som jeg er nå.

Ikke vær sint på meg, lærer.

Jeg mener egentlig ikke å være

vemmelig.

Gi meg din hånd, lærer,

en usynlig hånd, av kjærlighet.

Jeg venter ikke ros for prøver

eller for orden i skriftlige arbeider.

Men lyset i dine øyne,

det leter jeg etter,

det som jeg ser der

når de flinke får sine prøver

tilbake,

de med få eller ingen feil.

Gi meg litt vennlighet, lærer.

En hånd av kjærlighet,

fordi jeg er et menneske

med et hjerte som er tungt

bak en flirende maske.

Gi meg din hånd, lærer,

en utstrakt hånd av kjærlighet.

Av Magnus Midthjell

Eg er ikkje berre bestemor, men også lærar. Dette diktet fann eg ein gong og har det hengande på arbeidsplassen min. Innhaldet seier så mykje, og gir meg inspirasjon.

I koma, eller ikkje?

2009-02-10T22:57:00.001+01:00

Tett før jul tok vi med Sebastian på teaterframsyning i Ålesund. Vi skulle sjå Jul i Skomakergata. I baksetet i bilen sat ein skravlande gut, som undra seg på dei utruligaste ting. Vi har vel mange gongar forundra oss på kvar han hentar alt i frå, og det er alltid like kjekt å lytte til det han fortel og spør om. Slik var det denne gongen også. Undervegs vart det slik at vi i framsetet måtte prate litt oss imellom også. Dermed vart vi aldri så lite uoppmerksame på "skvaldrekoppen". Det neste vi høyrer bakfrå er: "Er dokke heilt i besvimelse eller?" Artig innslag i kvardagen Og verdt å ta vare på.

I dag lurte han forresten på om eg kunne kjøpe papegøye til han, for han hadde mista kanina si og trengte eit nytt dyr.

2009-02-10T21:37:00.005+01:00

Morsdag med eit lite skråblikk

2009-02-08T17:04:00.007+01:00

Fekk telefon i dag også. Sebastian hadde fått beskjed om å ringe meg for å gratulere med morsdagen, men han var opptatt av heilt andre ting. Han måtte berre klage til besta.

"Eg må skrive heile dagen besta", kom det med oppgitt stemme frå den andre enden av røret. Eg lurte sjølvsagt på kva det var som stod på.

"Pappa har sagt at eg må skrive heile morsdagen, og det vil eg ikkje."

Klart eg forstod. Pappaen skulle vere åleine heime medan mammaen skulle hjelpe til i ein barnedåp. Dermed vart sysselsettinga "enkel" for pappaen, trudde han. Sjølvsagt skulle guten lage morsdagskort. Men med ein bestemt liten herremann som ikkje lot seg styre, var det nok enklare sagt enn gjort. For han hadde rett og slett ikkje tenkt å skrive heile dagen.

Karane kom på besøk til middag, og sjølvsagt måtte besta få guten i gong med teikning. Det vart ein flott turistbåt med basseng, trampoline, tre kapteinar, ein katt, ein hund og sjølvsagt måtte det også vere med ein sel.

Skal vi reise i tid?

2009-02-07T18:06:00.004+01:00

Eg har "funne opp" ein leik som eg bruker mykje saman med Sebastian. Det starta heilt tilfeldig ein dag for ca. 3 år sidan. Han sat og kosa seg i fanget mitt og var svært så lyttande til alt eg fortalde. Eg kom på at vi kunne lage ei historie sjølve, vi to. Eg skaut opp med handa, som ei rakett, og spurde han om kvar vi var no. Han var heldigvis flink til å svare, og dermed var starten av fortellinga eit faktum. Eg spør videre, kven som er der? Kva vi gjer der? Kva dei gjer på? Slik held vi fram, eg spør og han fortel. Innimellom fortel eg litt kva vi har kome fram til. Står vi faste, "reiser" vi berre til ein annan stad.

No om dagen startar ofte turen på "Nipatrollet". Der er det vulkan...må eg forstå. Så vert vi skylde på sjøen av vulkanen. Der møter vi 120 fiskar som har dykkermaske på. Dykkermaskene står ikkje framover på fiskane, men peikar til kvar side....så sym vi videre, og fortelinga tek ikkje ende før han vert lei.

Trur dette har vore med på å stimulere fantasien hans, og også språket. Litt kjekt har det vore når vi har hatt besøk av venner som har vore "modige" nok til å site på det andre bestafanget og vere med på desse reisene. Det ser ut som om det fell i smak hos alle som vil vere med.

Hjerteknuser

2009-02-05T22:57:00.000+01:00

Tusen takk til Anne Grethe for at ho gav meg linken
til fotoredigeringa. No fekk eg sette Sebastian i ramme og det vart mykje flottere å sjå på.
Det er fortsatt mykje arbeid for å få i stand bloggen, men eg gir meg ikkje.

I dag har eg vore på møte på Soltjeld. Bygdeutvalget arrangerte, og no vert det start på utbygginga av gymsal på skulen på Vartdal. Starten går allereie i mai vart det sagt.

Det var mykje folk på møtet, og det som står i media om at bygda treng å mobilisere, er vel allereie i gong.

Litt strev:-)

2009-02-04T21:37:00.001+01:00

Her skal ein virkelig få prøve seg forstår eg. Ukjent som det er for meg, så går det meste av tida med til å leite etter korleis eg skal få orden på bloggen. Kunne tenkt meg ein annan bakgrunn, men finn ikkje ut av det no. Fann ein teljar og sette inn den, men er nok ikkje heilt fornøgd enda.

Det vart ikkje bading likevel på tysdag, pappaen ville vere med sjølv, og då er det berre å trekke seg stille tilbake:-)

Sebastian på telefonen

2009-02-02T21:34:00.002+01:00

Det kima i telefonen, og det sjølvsagt midt under eit TV-program eg hadde tenkt å sjå. Det er ikkje mange eg ser i løpet av ei veke, så det var vel meininga at eg ikkje skulle sjå dette heller då. Kan ikkje akkurat seie at eg vart skuffa då eg løfta av røret, for i andre enden var Sebastian: Om nokon kunne vere med han på bading i morga, for mamma har så stor mage at ho kan ikkje bade. Klart vi vert med. Så kjem det frå han. "Kva er det som bråker slik med dokke?" "Det må vere TV-en" seier eg og legg til at dei bruker ikkje ha så høg lyd som oss. Då er det at svaret kjem promte: " Det er for at dokke har så tunge øyre det"

Slik fekk eg ei lita historie å fortelle i dag også. Det er desse små hendingane, eller gullkorna eg vil ta vare på og legge inn i bloggen.

2009-02-01T14:36:00.001+01:00

Ei ny verd

Den nye verda eg lever i er ei bestemorverd, eller kanskje eg skal seie ei bestaverd? Det er ikkje nytt for meg å vere bestemor no sidan gromguten er 5 år allereie, men kvar ein einaste dag gir desse lysglimta. Det kan vere små handlingar eller ord som lysar så inderleg opp i kvardagen.

Å blogge, eller skrive ein blogg, er heilt nye tankar for meg. Har vore innom nokre lokale bloggar dei siste vekene. Dei har inspirert meg til og kanskje prøve. Eg veit fortsatt svært lite om korleis eg går fram i denne verda, men eitt lite forsøk skadar vel ikkje.

Då måtte det verte ein bestablogg, der eg kan skrive ned desse små hendingane i kvardagen. Tenkjer at hendingane må vere knytt til det å vere bestemor.